Qui simus?

Sumus qui divitias communes linguae matris latinae servare volumus. Qui Europam linguam propriam habere putant, etsi despectam vel non satis amatam. Una communi lingua Europae opus est, haec est lingua latina quae simul nulli omnibusque pertinet.

Usque undevicesimum saeculum sermo latinus erat proprius scientiarum universitatumque, nec non iuridica documenta latine scribebantur. Utinam ne unquam perditus esset hic thesaurus unitatis. Sed possibilis est restauratio et audacia studioque opus est.

Novimus multos circulos latinos per Europam creatos esse ad latinitatem fovendam, et unum in Maiorica constituere statuimus. Circulus Latinus Maioricensis nuper natus est et menstruos conventus habemus, quibus diversa themata tractantur et latine loquimur.

Sodalium numerum augere volumus et hac de causa actus nostros per interretem palam facimus.

Nostrum lemna est: "DISCE LINGUAM LATINAM, EUROPAE LINGUAM".

Harmonia et amore tantum potest Europa construi. Hoc non est possibile impositione unius particularis linguae. Si quis putat linguam anglicam vel gallicam vel aliam imponi debet, communem matrem despicit et fraternitatem rumpit.

Iterum dicimus Europae civibus: "DISCE LINGUAM LATINAM, EUROPAE LINGUAM".

CIRCULUS LATINUS MAIORICENSIS

Si hoc catalaunice legere vis pelle hic.

Si hoc hispanice legere vis pelle hic.

Si hoc anglice legere vis pelle hic.

Si hoc germanice legere vis pelle hic.

Si hoc francogallice legere vis pelle hic.

Es mostren els missatges amb l'etiqueta de comentaris acta. Mostrar tots els missatges
Es mostren els missatges amb l'etiqueta de comentaris acta. Mostrar tots els missatges

dimecres, 25 d’abril del 2012

Acta XXXIV

Conventus: 28-I-2012

ACTA DE COETU QUI FACTUS EST DOMI PAULI, DIE DUODETRICESIMO MENSIS IANUARII CONSUETA HORA SEXTA P.M. ANNO MMXII

         Hodie tantum Paulus et Gregorius convenire potuerunt. Aliis sodales aut occupati erant aut aegrotabant.

         Paulus magni momenti ad Orbis Terrarum Digitalem Bibliothecam nexum interretiale nobis dedit.

         Postea, de slavicis linguis, tales ut Lingua Bulgarica et Russica, locuti sumus. Paulus, de Christianismi introductione in slavicos populos a Sanctibus Cyrillo et Methodio enodationem dedit. Aeque, de similitudine inter graecum et cyrillicum alphabetos egimus.

         Etiam, de aliquibus grammaticalibus quaestionibus, sicut secundae classis adiectivis atque de activis formis deponentium verborum, Paulus disseruit.

         Ex insperato, bis errorem in vetere et expleto lexicone invenimus: verbum  “conditionem”, cum “t” scriptum (significans “clausulam”) pro correcta forma “condicione”, cum “c” scripta.

         De rebus historicis quoque collocuti sumus, ut Cantabriae occupatione ab Augusto. De hac quaestione commentati sumus, verbi gratia, quod Portus Victoriae aut Andreapolis – hodie Santander – militaribus motibus maximi momenti locus fuit, vel cantabri saepe se ipsos vita privare praeferebant quam romanis se dedere.
        
         Denique, de magno libro Christophori Columbi catalanitatem asseverante deliberavimus.

dijous, 2 de febrer del 2012

Acta XXXII

Acta XXXII

Conventus: 26-XI-2011

ACTA DE CONVENTU QUI FACTUS EST PALMAE, IN THERMOPOLIO QUODAM IN CONCEPTIONIS VIA SITO DIE VICESIMO SEXTO MENSIS NOVEMBRIS HORA SEPTIMA ET DIMIDIA POSTMERIDIANA ANNO MMXI.


Primum propinquo templo ubi latine missa celebranda erat convenimus. Nihilominus, cum illa missa infeliciter suppressa esset, concilium in proxima caupona habuimus.

Illic Paulus acta aliqua commentatus est et correxit. Etiam nobis hanc sententiam ex Sancto Paulo explanavit: “ Bonum certamen certavi, cursum consumavi, fidem servavi ”.

Postea Rafael, qui primum conventui nostro cuidam interfuit, amplas res nobis narravit; verbi gratia, illum sinice loqui !

Denique, latine, de possibilibus causis propter quas missa allata suppressa est locuti sumus.


dilluns, 19 de desembre del 2011

Acta XXXI

Acta XXXI

Conventus: 29-X-2011

ACTA DE COETU QUI FACTUS EST PAULI DOMI DIE UNDETRICESIMO MENSIS OCTOBRIS HORA SEPTIMA POSTMERIDIANA ANNO MMXI


Hodie Circuli tres consueti sodales Pauli domum ivimus, quia marraginensis Curiae adultorum schola, quamvis iam refecta, nondum instructa est.

Paulus nobis dixit magni momenti programma in televisione vidisse. Hoc programma, “Linguam exsere“ (hispanice “Saca la lengua”) inscriptum, de locutionibus latinis etiam nunc usitatis in lingua hispanica agebat. In illo, sodales e fraterno Circulo Latino Matritensi, latine loquentes, parebant. Id programma – Damianus fecit – nunc nostro blogo pendet.

Damianus quoque iam nostrum blogum plus quam septingenti visitationes feliciter accepisse dixit.

Alioquin, manifestum nostrum translatum in hodiernos sermones simul cum latino originale scripto (duabus columnis) monstrare statuimus.

Etiam, Paulus de tempore epistulam quamdam ex Seneca (ex Ad Lucilium epistulis) nobis monstravit.

Acta XVIII

Acta XVIII

Conventus: 27-III-10

ACTA DE CONVENTU QUI FACTUS EST ADULTORUM SCHOLA MARRAGINENSIS CURIAE DIE SEPTIMO VICESIMO MENSIS MARTII HORA VI P.M. A.D. MMX.

Nova sodalis hodierno conventui interfuit: Anna, Damiani filiola !

Gregorius nuper editum librum astronomicum ex Vincentio Muto, egregio maioricensi, tulit. Hic liber latine – in editione facsimili oblatus – scriptus est et in illo quoque catalana interpretatio invenitur. Paulus de magna qualitate linguae latinae in illo usitatae miratus est.

Pariter, articulum de hominibus sapientibus et neandertalensibus ex Ephemeride (pagina latina interretiali) excerptum, commentati sumus.

Denique, quoque, de linguae latinae hodierna publica condicione aliquibus areis, verbi gratia, nomenclatione Internationalis Astronomicae Unionis, locuti sumus. Quapropter, scite atque feliciter, Lunae et Martis omnia geographica nomina, publice, latina sunt.

Acta XVI

Acta XVI
Conventus: 23-I-2010
ACTA CONVENTUS QUI FACTUS EST SANCTO MARTIALE DIE VICESIMO TERTIO MENSIS IANUARII HORA SEXTA P.M. ANNO MMX.
Sequuntur praecipua themata de quibus hac occasione locuti sumus:
* De maiore utilitate phoneticarum scripturarum rationum quam ideographicarum, nostro iudicio.
* De maximo pondere quorumdam munerum in Antiquitate, ut scribarum computatorumque (meminimus scribarum munus Antiquo Aegypto sacrum fuisse).
* De huius sententiae sensu atque conversione: “ Natalicia probitate alamur eamque in cordibus perpetuemus “.
* De gerundii gerundivique usu (Paulus nobis magni momenti explanationes de his grammaticalibus quaestionibus nobis dedit).
* Amicus Gregorii a nobis phrasim horologio suo solari petiit. Quam elegimus haec est: “ Adhuc ad bonum faciendum tibi tempus est “.
* De vocalium longarum et brevium latinarum pronuntiatione in Antiquitate. Paulus in Vetustate distinctionem inter longas et breves syllabas iam no fieri putat.
* De probabili musicalitate in lingua latina antiqua (simili forsitan in hodierna lingua italica).

Acta XIV

Acta XIV

Conventus: 21-XI-2009

NOTAE CONVENTUS QUI FACTUS EST IN SANCTI MARTIALIS CATECHESIS AULA QUADAM DIE VICESIMO PRIMO MENSIS NOVEMBRIS ANNO MMIX, HORA SEXTA P.M., UT CONSUETE.


Principales res de quibus hodie collocuti sumus Paulus, Damianus Gregoriusque :

- De singularitatibus indolis mulierum.

- De quo meliore sit loco ubi nos convenire (thermopolio, aulis catechesis, etc).

- De scriptis Ovidii.

- De litteris quas fraternali Circulo Latino Gerundensi mittere volumus.

- De hac sententia ex Seneca: “ Nullius boni sine socio iucunda possessio est”.

- De necessitate nostrum proprium lexiconem latinum faciendi.

- De neologimis latinis.

- Latine, de Circuli vita et de relationibus cum aliis circulis.

dimarts, 2 de febrer del 2010

Acta XIII


Conventus 24-X-09

ACTA TERTII DECIMI CONVENTUS, QUI FACTUS EST IN CAUPONA PROPE PAROECHIAM SANCTI MARTIALIS, DIE VICESIMO QUARTO MENSIS OCTOBRIS (ITA EST ANTE DIEM IX KALENDAS NOVEMBRES)

Convenimus in caupona Sancti Martialis, Paulus, Gregorius Damianusque. Hac occasione de his rebus locuti sumus:

De problematibus inopiae magistrorum linguae latinae. Johanes Paulo dixit tantam inopiam magistrorum linguae latinae in insulis Baliaris habemus ut septem lycaei non eos inveniant.
De Sancto Antonio. Antonius sanctus aegyptius fuit, in suo tempore magnum momentum habuit.
De documento viae romanae. Paulus documentum de via romana marraginense tulit. Documentum exposuit hanc viam fortasse inter Palmam et Pollentiam esse. Nomen eae populare est ''cami romà'', quod ''via romana'' interpretatur. Forte factura praesens Medii Aevi est. Prope viam basilica palaeochristiana erat, nomen eae ''Cas Frares''. Haec via tuta est ex lege post annum MCMLXVI.
De philosophia aristotelea. Philosophia Aristolelis non multos sectatores habuit in initio Medii Aevi, quia considerabatur non conveniens ad doctrinam christianam. Sanctus Thomas Aquinas fuit primus philosophus christianus qui defendit philosophiam aristoteleam et fecit eam convenientem ad christianismo.

Sententiae:

Distingue tempora et concordabis iura.

Aliquando bonus dormitat Homerus. (Cicero).

Acta XII


Conventus: 19-IX-2009

NOTAE DE CONVENTU QUI FACTUS EST IN CAUPONA PROPE SANCTI MARTIALIS TEMPLUM DIE UNDEVICESIMO MENSIS SEPTEMBRIS HORA SEXTA P.M.


Principalia themata de quibus hodie locuti sumus Paulus, Damianus Gregoriusque sunt:

Omnes qui cupiant, iam in interrete blogum nostrum sine ulla tessera visitare possunt.

De nonnullis sententiis aetatis classicae tales (ex Seneca) ut:

“ Nusquam est qui ubique est”
“ Non convalescit planta quae saepe transfertur, nihil tam utile est ut in transitu prosit “.

De adultorum scholarum hodierno problemate (Damianus in adultorum schola quadam laborat), nam laboris inopiae causa, summe ibi matriculationes auxerunt.

Demum, latine, de bonis et malis hominibus.

Acta XI



Conventus 18-VII-09

ACTA UNDECIMI CONVENTUS, QUI FACTUS EST IN CAUPONA PROPE PAROECHIAM SANCTI MARTIALIS, DIE DUODEVICESIMO MENSIS IULII (ITA EST ANTE DIEM XV KALENDAS AUGUSTAS)

Convenimus in caupona Sancti Martialis, Paulus, Gregorius Damianusque. Hac occasione de his rebus locuti sumus:

  • De feriis aestivis et quomodo ferias agemus. Gregorius dixit iter facere velle ad Oram Opulentam (hispanice: Costa Rica).
  • De diario interretiale (anglice: blog) et quomodo intervenire. Gregorius proposuit nexus cum aliis paginis latinis interretialibus addere.
  • De proximo conventu, quem die vicesimo nono mensis Augusti (ita est ante diem IV kalendas septembres) fortasse nos habere possumus.
  • De praesentia interretiale nostra, et quemadmodum id facere possimus.
  • De signo nostro. Gregorius proposuit signum circuli nostri facere.
  • De via romana. Paulus dixit viam romanam marraginensem in catalogo monumentorum esse.
  • De grammatica latina. Paulus explanationes grammalicales de infinitivo activo atque infinitivo passivo nobis dedit.

Acta X

Conventus: 20-VI-2009

ACTA CONVENTUS QUI FACTUS EST IN MARRAGINO ET SANCTAE MARIAE VICO DIE VICESIMO MENSIS IUNII, CONSUETA HORA SEXTA P.M.


Primum, ex more, adversus Sancti Martialis templum convenimus Paulus, Damianus et Gregorius, sed inde propinquam romanam viam visitare stauimus.
Via haec apud illam traminis sita est, quod tramen nonnunquam praetergressum est dum nos ibi eramus. Paulus nunquam antea illic fuerat et multum, sicut Damianus et Gregorius, gavisus est. Nonnullas mensuras egimus in via et omnes, aliquibus opponentibus, eam romanam esse mansimus.
Tota via (et eius productione *) percursa, conventum extra Sanctae Mariae cauponam continuavimus. Illic Paulus quod ille ipse nostram declarationem, quam “Qui simus” appellare decrevimus, scriberet, nobis dixit.
Denique, Paulus cum aliis circulis convenire, pro officialitate Linguae Latinae in Unione Europaea, orare proposuit.

* Hodie “Camí de sa Bomba” appellata.



Acta IX


Conventus 2-5-09

ACTA NONI CONVENTUS, QUI FACTUS EST IN PAROECHIA SANCTI MARTIALIS, DIE SECUNDO MENSIS MAII (ITA EST A. D. VI NON. MAI.)

Convenimus in paroechia Sancti Martialis, Paulus, Gregorius Damianusque. Hac occasione de his rebus locuti sumus:
  • De vita Sancti Ieronimi qui transtulit Biblia ex lingua hebraica ad linguam latinam. Ieronimus vir doctissimus multis rebus fuit atque viator per plurimas regiones. Gregorius exposuit librum de Sancto Ieronimo quem lexit.
  • De libro vitae Sanctae Catharinae Thomasiae. Paulus comentarium de hoc libro Gregorio et Damiano fecit.
  • De codice caelaturarum et picturarum. Gregorius codicem tulit cum exercitationibus de caelaturis et picturis pompeianis.
Proximum conventum convocaturum esse via interretiale decrevimus.

dilluns, 1 de febrer del 2010

Acta VIII



Conventus: 21-III-2009

ACTA CONVENTUS QUI FACTUS EST IN SANCTO MARTIALE, DIE VICESIMO PRIMO MENSIS MARTII, HORA SEXTA POSTMERIDIANA.


Convenimus Paulus, Gregorius et, primum, Iosephus Antelmus, amicus Pauli. Hodie Damianus abest, nam abhinc nonnullis diebus, primum pater fuit !
In primo, Iosepho Antelmo Paulus et Gregorius Circuli historiam explanaverunt. Item illi omnes de hodiernis methodis (malis et bonis) ad linguam latinam docendam collocuti sunt. Etiam, de pagina interretiale finnica, ubi Nuntii latini inveniri possunt. Postea, Paulus et Gregorius Iosepho cur linguae latinae student et discunt narraverunt.
De pronuntiatione latina quoque nostris diebus (id est, ecclesiastica, restituta...) locuti sumus. Iosephus Antelmus nobis dixit quod linguae latinae classicae pronuntiatio ab nostra hodierna praecipue propter musicalitatem differt.
Postea Paulus magnum librum in lingua latina classica saeculo XVIII scriptum de vita Catharinae Thomasiae, sanctae maioricensis, nobis monstravit.
Etiam de nonnullis rebus super magna lingua graeca locuti sumus. Exempli causa, Iosephus linguam graecam hodiernam eandem linguam quam classicam esse nobis confirmavit. Etiam, Iulius Caesar suam celeberrimam sententiam, Alea iacta est, originaliter graece nec latine dixit.
Et de lingua latina, quae antiqua et media aetate omnino universalis erat et tota Europa studere permittebat.
Denique, Iosephus viam antiquam dies exprimendi (kalendas, nonas idusque utens) explicavit.

Acta VII


ACTA CONVENTUS QUI FACTUS EST IN SANCTO MARTIALE, DIE VICESIMO OCTAVO MENSIS FEBRUARII, HORA SEXTA POSTMERIDIANA.

Convenimus tantum Paulus et Gregorius.

Haec sunt principalia themata de quibus locuti sumus:

  • Invitationem ad ingrediendam in pagina nostra interretiale Mercedes Alcaraz cum suis sodalibus mittere decrevimus.

  • Item decrevimus Paulo mittere ideas nonnullas de nostro futuro scripto Qui simus ad eum iuvandum hanc declarationem scribere.

  • Nostro globo proprium lemna opus esse putamus. De hac quaestione, id ex editoriale domo Moll appellata recordamur: versum Ovidii Dura tamen molli saxa cavantur aqua. Paulus alumnus ipsius Francisci de Borja Moll, praeclarissimi catalani philologi et illius domus editorialis domini, fuit.

  • De maximi momenti verbo sudatorio (= calefactore) et de modo dicendi “ x partes ex centum “, id est, “ [numerum] centesimae ”; verbi gratia, triginta centesimae (= 30 %).

  • De gravibus vocibus Paucis ante diebus, Abhinc tribus annis, ad catalanas temporales sententias cum “ Fa...” incipientes vertendas

Acta VI


Conventus 24-1-09

ACTA CONVENTUS QUI FACTUS EST IN SANCTO MARTIALE, DIE VICESIMO QUARTO MENSIS IANUARII, HORA SEXTA POSTMERIDIANA.

Convenimus circuli omnia membra qui interim sumus, id est, Paulus, Damianus et Gregorius.

Haec sunt principalia argumenta de quibus locuti sumus:

  • De neologismis latinis, verbi gratia calefactor et machinamentum *.

  • De verbis signatis cum cruce in glossario Vox appellato (verba christiana, ex sera antiquitate sunt).

  • De nostri circuli blogo, interim tantum pervio nostris convivis.

  • De necessitate addendi verbum latinus nostri circuli nomini (Circulus Latinus Maioricensis).

  • De pronuntiatione diphtongi ae. Paulus cito per antiquitatem eum esse sicut e pronuntiatum putat.

  • De praesente climatica mutatione. Damianus multas maximi momenti explanationes de hac quaestione nobis dedit.

  • De humoris pondere in disciplina, praecipue linguarum (exemplum: methodus Assimil). Demonstratum est quod homines qui antea comicas pelliculas aspexerunt, postea diversas res melius discerunt quam illi qui verbi gratia documentalia viderunt.


Temporis concilii maior pars Paulus nobis priorem actam correxit.

* Catalane “motor”.


dissabte, 27 de juny del 2009

Acta V

Conventus 27-XII-2008

ACTA QUINTI CONVENTUS, QUI FACTUS EST DIE VICESIMO SEPTIMO MENSIS DECEMBRIS, ITA EST A.D. VI KAL. IANUARIAS, HORA SEXTA POSTMERIDIANA PORTULAE IN ECCLESIA SANCTI MARTIALIS.

Convenimus in ecclesia Sancti Martialis Paulus, Gregorius et Damianus. Hac occasione de his rebus locuti sumus.

- De diario interretiale (anglice: blog) ubi acta nostra edire possumus atque alteram informationem habebimus atque ibi nos dicemus qui simus. Damianus ipse praebuit facere diarium interretialem futurum sed statuimus ut diarium nostrum non publicum sit.

- De processu bononiense, nunc praesente, et cur iuvenes processum non velint. Processus bononiensis reget disciplinam universitatum europaearum. Paulus dixit processum in Hispania celeliter ire debere quia non tempus est. Alterae regiones processum inceperunt multo antea, sed hic nunc incipiemus, qua de causa tempus non habemus. Damianus dixit quod iuvenes processum non volent quia in omnibus curriculis magisterium (anglice: master) facere oportet. Hoc carum est atque negotia privata id regent quia in cursibus magisteriorum execere opotet in aliquo negotio.

divendres, 6 de febrer del 2009

Acta IV



Conventus: 25-X- 2008

ACTA CONVENTUS QUI FACTUS EST APUD SANCTI MARTIALIS PAROECHIAM, IN CASULA*, SABBATO DIE VICESIMO QUINTO MENSIS OCTOBRIS, HORA QUINTA POSTMERIDIANA.


Convenimus tantum Paulus et Gregorius. Infeliciter, Damianus abfuit.
Hae sunt quaestiones de quibus illo die egimus:

– De ampla magnitudine Raimundi Lulii locuti sumus, scriptor qui pleraque eius operum (octoginta centesimae) latine scripsit. Putamus hanc esse rationem cur ille vere universalis esset et etiam in Lutetia intellegi potuit.

– De Sacramentis Argentariae**, quod est primum documentum notum lingua francogallica antiqua scriptum, maximi momenti historiae linguarum peritis. Utrum in illo tempore, id est, circiter aetatem carolingiam, franci et catalani inter se intellegerent quaerimus.

– Documentum interretiale de via romana marraginense attente legimus. Nihilominus, horae causa (iam obscura lux erat), non eam visitavimus.

– Putamus quod, etiam hodie, consociatio hominum linguam latinam veneratur. Itaque futurum linguae latinae bonum esse arbitramur.

Denique, parocho Sancti Martialis aliquantulum pecuniae pro catechesis aularum usu dare statuimus.


Gregorius, 22 - I - 09



* Catalane Sa Cabaneta.
** Argentoratum seu Strateburgus urbs hodie Strasbourg nuncupatur.

dilluns, 12 de gener del 2009

Acta III


Conventus: 20- IX- 2008


ACTA TERTII CONVENTUS, QUI FACTUS EST PALMAE, DIE VICESIMO MENSIS SEPTEMBRIS, SEXTA HORA POSTMERIDIANA.

Convenimus domi Damiani iidem homines prioris concilii, id est, Paulus, Damianus et Gregorius. Hac occasione de his rebus locuti sumus:

De loco ubi ageremus proximum concilium. Cogitavimus utrum ecclesia Sancti Martialis, in vico “Marratxí”, locus optimus esset; Paulus cum rectore Sancti Martialis loquetur.

De lemnate nostri circuli. Paulus proposuit sententiam simplicem sicut “Disce linguam latinam, Europae linguam”.

De possibile nova sodale in circulo nostro, cuius nomen est Mercedes Alcaraz, et magistra linguarum graecae latinaeque est.

Denique, de nostro futuro locuti sumus atque de momento linguae latinae in societate nostra. Meminimus sententiam professoris Stroh, qui dixit : “Linguam latinam nimii momenti est ut in manibus Vaticani sit”.

Proximus conventus ultima hebdomade mensis Octobris in ecclesia Sancti Martialis, Deo volente, sit decrevimus.

Acta II

Conventus: 19 -VII - 2008

ACTA ALTERIUS CONVENTUS, QUI FACTUS EST PORTULAE, DIE UNDEVICESIMO MENSIS IULII, SEXTA HORA POSTMERIDIANA.

Convenimus in domo Gregorii iidem homines prioris concilii, id est, Paulus, Damianus et Gregorius. Hac occasione de his rebus locuti sumus: de viis romanis (nam prope diem proximam viam romanam quadam visitare placerem), de praestante methodo latina professoris Orberg (Damianus nobis huius methodi libros monstravi) et de aliis hodiernis methodis, plerisque nefandis.
Praeterea, de facultate “blogum” latinum faciendi egimus et Paulus Damiano Gregorioque magni momenti grammaticales explanationes dedit.

Denique, ut proximus conventus ultima hebdomade mensis Augusti Damiani domi sit decrevimus.

Acta I


Conventus: 21-VI- 2008

ACTA CONVENTUS QUI FACTUS EST PORTULAE DIE VICESIMO PRIMO MENSIS IUNII HORA SEXTA POSTMERIDIANA.


Convenimus Paulus Seguí, Gregorius Puigserver Damianusque Crespí.

Primum de loco linguae latinae in societate nostra locuti sumus, deinde quomodo discere linguam latinam atque de methodis latinis, praecipue de methodo latina Assimil. Secundum de nomine Portula egimus. Tandem nonnullas paginas latinas interretiales vidimus. Hae paginae personales et circulorum et nuntiorum erant.
Statuimus proximum conventum die undevicesimo mensis Iulii futurum esse.